Алматы. 12 шілде. 7kun.kz - Түркиядағы Қазақстандық туристердің мәселесі шешімін тапты. Бұл туралы ҚР Сыртқы істер министрлігінің баспасөз хатшысы Әнуар Жайнақов мәлімдеді.

«Кеше Анталиядағы дипломаттарға бір топ қазақстандықтардың қонақ үйге жайғаса алмағаны туралы хабар келіп түсісімен, Қазақстанның Анталиядағы елшілігі көмек көрсету үшін оқиға орнына барды. Нәтижесінде «Элит класс» компаниясы 11 шілде күні банкроттығын жариялап, қазақстандық туристердің қонақүйге орналасу ақысын төлемегенін білдік», - деді Әнуар Жайнақов.

Баспасөз хатшысы Түркиядағы компаниялардың бірі қазақстандық туристердің қонақүйге орналасуына көмек бергенін айтты.