Астана. 3 ақпан. 7kun.kz - Мемлекет басшысының Жарлығымен Иманғали Нұрғалиұлы Тасмағамбетов басқа жұмысқа ауысуына байланысты Қазақстан Республикасы Премьер-Министрінің орынбасары қызметінен босатылды. Бұл туралы бүгін Ақорданың баспасөз қызметі хабарлады.

Кейінірек белгілі болғандай, мемлекет басшысы Тасмағамбетовты Қазақстанның Ресейдегі елшісі деп бекіткен. Бұл қызмет қаңтардың ортасынан бері бос тұрған еді. Оған дейін елші қазір Президент Әкімшілігі басшысының орынбасары деп тағайындалған Марат Тәжин еді.