Алматы. 5 қаңтар. 7kun.kz – Қазақстанда 2017 жылдың қаңтар-қарашасында теңге мен долларлық депозиттер бойынша кірістілік төмендеді. Бұған қоса, депозиттердің долларландыру деңгейі де төмен түсті. Бұл туралы Қазақстан қаржыгерлер ассоциациясының талдамалық орталығы хабарлады.

Қазақстан Республикасы Ұлттық Банкінің соңғы деректеріне сәйкес, 2017 жылғы 1 желтоқсанда жеке тұлғалардың депозиттері бойынша орташа алынған мөлшерлемесі теңгемен жылына 10,3 пайыз және шетел валютасында жылдық 2,1 пайызбен (айына 11,5 пайыз және 2,1 пайыз) болды, деп мәлімдеді ҚҚҚ.

2017 жылғы 11 айда теңгелік депозиттердің кірістілігі 1,7 пайызға, ал долларлық - 0,4 пайызға төмендеді. Сонымен қатар, депозиттерді долларландыру 2017 жылдың 11 айында 54,4 пайыздан 48,6 пайызға дейін төмендеді (қазан айында 49,4 пайыз). Қараша айында депозиттік базаның төмендеуі баяулады: 11 айда минус 382,6 млрд теңгегеден (қазан айында 645 млрд теңге) 17,66 трлн теңгеге дейін. Ұлттық валютадағы депозиттер 0,6 пайызға төмендеп, 9,07 трлн теңгеге жетті. Ал шетел валютасындағы депозиттер 3,7 пайызға, 8,6 трлн теңгеге дейін қысқарды.