Алматы. 10 қаңтар. 7kun.kz – Теңгедегі депозиттер бойынша өтемақы алуға өтініш беру мерзімі 10 ақпанға дейін ұзартылды. Бұл туралы Қазақстанның депозиттерге кепілдік беру қорының баспасөз қызметі хабарлады.

Сыйлықақы 2022 жылғы 23 ақпанға дейін ашылған депозиттерге ғана төленеді. Сондай-ақ 10% төлемді салымшыға банк есептейді. Ол 2023 жылдың 23 ақпанынан кейін төлене бастайды.

Сыйлықақыны алу үшін депозит ашылған банк бөлімшесінде немесе ресми мобильді қосымшалар арқылы онлайн өтінім беру керек.

Қордың хабарлауынша, 2023 жылдың 1 қаңтарына дейін банктер салымшылардан 303,9 миллиард теңгеге өтініш қабылдады. Бұл жалпы өтемақының 90,5% құрайды. Қаулы 2023 жылғы 20 қаңтарда күшіне енеді.