Астана. 12 желтоқсан. 7kun.kz – Мемлекет басшысы Қасым-Жомарт Тоқаев үкіметтің кеңейтілген отырысында мерзімі өткен берешегі 90 күннен асқан азаматтарға қатысты жарлыққа қол қоятынын айтты, деп хабарлайды 7kun.kz.

«Мерзімі өткен берешегі 90 күннен асатын қарыз алушыларды жаңа міндеттемелерді қабылдаудан «қорғау» тетігін ойластырған жөн. Жақын арада мен тиісті жарлыққа қол қоямын», – деді президент.

Сонымен қатар президент кепілсіз онлайн микрокредитті қатаң реттеу қажет екенін атап өтті. Оның айтуынша кейбір елдерде оған толығымен тыйым салынған. Үеіметке осы тәжірибені зерделеу тапсырылды.