Астана. 9 қараша. 7kun.kz – 10-11 қарашада ҚР президенті Қасым-Жомарт Тоқаев Түркі мемлекеттері ұйымының саммитіне қатысу үшін Самарқандқа жұмыс сапарымен барады деп хабарлайды 7kun.kz.

Жиын барысында мемлекеттер басшылары Түркі мемлекеттері ұйымы аясындағы сауда-экономикалық, инвестициялық және мәдени-гуманитарлық ынтымақтастықты одан әрі дамыту перспективаларын қарастырады.

Сондай-ақ саммит қатысушыларымен екіжақты кездесулер өткізу жоспарланып отыр.