Алматы. 2 қыркүйек. 7kun.kz – Қазақстан Президенті Қасым-Жомарт Тоқаев шағын бизнесті салық төлеуден босатуды тапсырды және кәсіпкерлерді тексеруге уақытша тыйым салды.

Бұл туралы ол Парламент палаталарының бірлескен отырысында Қазақстан халқына жолдауында мәлімдеді. Бұл шаралар үш жылдық кезеңге есептелген.

«Микро және шағын бизнес компанияларын табысқа салынатын салықтан үш жыл мерзімге босату туралы Үкіметке заңды негіз құруды тапсырамын. 2020 жылдың қаңтарынан бастап микро және шағын бизнес субъектілерін тексеруге үш жылдық тыйым салу туралы менің шешімім күшіне енеді», - деді президент.