Астана. 29 желтоқсан. 7kun.kz – Мемлекет басшысы Қасым-Жомарт Тоқаев премьер-министрдің ұсынысы бойынша жаңа жылдың басында Үкіметте бірқатар кадрлық өзгеріс жасайтынын айтты, деп хабарлайды 7kun.kz.

«Мен жақында өткен Үкімет отырысында бұл мәселе бойынша нақты айттым. Еліміз үшін өте маңызды бірқатар мәселе бойынша Үкімет лайықты белсенділік көрсетіп отырған жоқ, шешімдерін баяу қабылдап жатыр», – деді президент.

 Оның айтуынша, Үкімет осы олқылықтарды түзету үшін әрекеттерін қолдануда.

«Премьер-министрдің ұсынысы бойынша Жаңа жылдың басында Үкіметте бірқатар кадрлық өзгерістер жасамақшымын. Жалпы, Үкіметтің алдында тұрған мақсаттар – өте ауқымды және өзекті», – деді Тоқаев.