Түркістан облысы. 26 тамыз. 7kun.kz – Түркістан облысының әкімі Өмірзақ Шөкеев отставкаға өтініш берді. Ақпаратты облыс әкімдігінің баспасөз қызметі растады, деп хабарлайды 7kun.kz.

Өтініш 24 тамызда жазылған.

Айта кетейік, Кентау қаласының бұрынғы әкімі Дәурен Махажанов аса ірі көлемде пара алғаны үшін кінәлі деп танылып, 10 жылға бас бостандығынан айырылды. Бұған дейін Өмірзақ Шөкеев қол астындағы қызметкерлер пара алған жағдай анықталса, отставкаға кетуге дайын екенін айтқан еді.

Өмірзақ Шөкеев 2019 жылы ақпанда Түркістан облысының әкімі болып тағайындалған еді.