Алматы. 24 сәуір. 7kun.kz – Американдық Twitter Inc. компаниясы 2019 жылдың бірінші тоқсанының қорытындысы бойынша таза пайданы, түсімді және күн сайын белсенді пайдаланушылар санын арттыру туралы есеп берді, - деп хабарлайды Интерфакс - Қазақстан.

Компанияның баспасөз қызметінің хабарлауынша, қаңтар-наурыздағы таза кіріс 191 млн долларды немесе бір акцияға 25 центті құрады. Осылайша, Twitter қатарынан алтыншы тоқсанды табысты аяқтады.

Твиттердің табысы 18%-ға артып, 665 млн доллардан 787 млн долларға жетті. АҚШ-тағы табыс 25%-ға өсіп, 432 млн долларды, Жапонияда табыс 16%-ға артып, 136 млн долларды, ал әлем бойынша қалған елдерде 11%-ға өсіп, 355 млн долларды құрады.

Ағымдағы тоқсанда компания 770 млн доллардан 830 млн долларға дейін табыс табуды жоспарлап отыр.

Сейсенбі күні электрондық сауда барысында Twitter акцияларының бағасы 7,7%-ға көтерілді. Компанияның капитализациясы жыл басынан бері шамамен 20%-ға, 26,42 млрд долларға дейін өсті.