Алматы. 29 қаңтар. 7kun.kz — "Өзенмұнайгаз "АҚ ("ҚазМұнайГаз" Барлау Өндіру" АҚ құрамына кіреді) 2019 жылы 5 млн 586 мың тонна мұнай өндірді, бұл 2018 жылдан 1,8%-ға артық. Бұл туралы Маңғыстау облысының индустриялық-инновациялық даму басқармасы хабарлады.

 «2019 жылдың қорытындысы бойынша компанияның кен орындарында 2018 жылғы 5 миллион 487,9 мың тоннаға қарағанда 5 миллион 586 мың тонна мұнай өндірілді», - деді облыстық басқармада.

Ведомствоның хабарлауынша, өндірудің ұлғаюы қолданыстағы ұңғымалар қорының өсуімен, сондай-ақ кен орындарын игеруді реттеу және мұнай өндірудің мақсатты деңгейін қолдау мақсатында ұңғымаларда жүргізілетін геологиялық-техникалық іс-шаралармен байланысты.

Сонымен қатар, облыстық басқармада 2020 жылы компания 5 млн 660,34 мың тонна мұнай өндіруді жоспарлап отырғанын атап өтті.

Қазіргі уақытта кәсіпорын тәулігіне 15,5 мың тонна мұнай өндіріп жатыр.

«ҚазМұнайГаз» Барлау Өндіру» АҚ 2004 жылы наурызда ұлттық мұнай компанияларының еншілес компанияларын - «Ембімұнайгаз» және «Өзенмұнайгаз» - біріктіру нәтижесінде құрылды, компания Қазақстандағы мұнай өндіру көлемі бойынша көшбасшылардың үштігіне кіреді.