Алматы. 20 желтоқсан. 7kun.kz – «Жолаушылар тасымалы» АҚ-ға жаңа басшы тағайындалды, - деп хабарлайды компанияның баспасөз қызметі.

«Қазақстан темір жолы» ҰК» АҚ басқарма төрағасы Сауат Мыңбаевтың бұйрығымен Арман Тұрлыханұлы Сұлтанов «ҚТЖ» ҰК» АҚ басқарушы директоры - «Жолаушылар тасымалы» АҚ басқарма төрағасы лауазымына тағайындалды.

Арман Сұлтанов Әл-Фараби мемлекеттік ұлттық университетін, Қазақ теміржол университетін, Қазақ көлік және коммуникация академиясын, Cambridge International Centre (Great Britain) бітірді.

Еңбек жолын 1999 жылы «AES-MARCHE» ЖШС-де бастады. 2000-2001 жылдар аралығында «Астанаэнергосервис» ААҚ маркетинг және қоғаммен байланыс департаментінің бастығы, 2001-2002 жылдары - «Қазақойл өнімдері» АҚ мұнай өнімдерін сату жөніндегі маркетолог. 2002 жылдан бастап 2008 жылға дейін «Қазтранссервис» АҚ-да түрлі лауазымдарда болды. 2008 жылы «ҚТЖ» ҰК »АҚ транспорттық маркетинг департаментінің директоры, 2010 жылдан бастап« ҚТЖ »ҰК» АҚ жолаушылар тасымалы жөніндегі басқарушы директоры болып тағайындалды. 2012 жылдан бастап 2014 жылға дейін «Қазтранссервис» АҚ Президенті қызметін атқарды. 2015 - 2016 жж «ҚТЖ» ҰК »АҚ Логистика жөніндегі басқарушы директоры. 2016-2017 жж «Қазақстан темір жолы» ҰК »АҚ даму жөніндегі вице-президенті.