Павлодарда трактор құрастыру зауыты ашылады

36
трактор
Фото: Prom.ua

Алматы. 18 желтоқсан. 7kun.kz — «KSW Agrotech» ЖШС қытайлық серіктесі Wan E компаниясымен бірлесіп ауылшаруашылық техникасын өндірумен айналысуды бастайды. Павлодардағы инвесторлар үйінде тараптар тиісті келісімге қол қойды, деп хабарлайды Павлодар облысы әкімінің баспасөз қызметі.

Тракторларды Павлодар қаласындағы бұрынғы автобаза алаңында құрастырады. Жақын арада кәсіпорынға Қытайдан жинау желісі жеткізіледі. Кәсіпорын қуаттылығы 300 ат күшіне тең алғашқы жабдықтарды 2020 жылы егін жинауға тапсырады.

«Біз бұл жобаны үш кезеңде жүзеге асыруды жоспарлап отырмыз. Бүгінгі таңда қолданыстағы инфрақұрылым негізінде жылына 3 мың трактор құрастыру басталады. 50 жаңа жұмыс орны құрылады. Егер бәрі жоспар бойынша жүрсе, 2021 жылы біз «Павлодар» АЭА аумағында үлкен кәсіпорын құрып, 150 жұмыс орнын ашамыз. Бұл кәсіпорынның қуаттылығы жылына 30 мың дана жабдықты құрайды. Болашақта біз Павлодар облысында өндірісті толығымен локализациялауға ниеттіміз, оның ішінде металл бұйымдары мен ауылшаруашылық техникаларына арналған бөлшектер », — деді «KSW Agrotech» ЖШС Бас директоры Рустам Ибрагимов

Инвесторлардың пікірінше, олардың тракторлары тек Қазақстанда ғана емес, сонымен қатар жақын шетелдерде де фермерлер арасында сұранысқа ие болуы тиіс. Басты артықшылық — бағасы. Павлодарлық машина шамамен 130-150 мың долларға бағаланады, ал олардың америкалық және еуропалық аналогтары 500-700 мың доллар тұрады. Сонымен қатар, компания өз тракторларын лизингке және ауылшаруашылық өнімдеріне арналған бартермен беруге дайын.