Қазақстан Ипотекалық Компаниясы KASE-ге 5,4 млрд теңге тартты

5
KASE
Фото: bankmonitor.hu

Алматы. 28 тамыз. 7kun.kz – 2018 жылғы 24 тамызда Қазақстан қор биржасында (KASE) он бесінші шығарылымдағы облигацияларды орналастыру бойынша мамандандырылған сауда-саттық өткізілді, деп хабарлайды  “Қазақстан Ипотекалық Компаниясы” ИҰ” АҚ баспасөз қызметі.

Қазақстан Ипотекалық Компаниясы кейіннен екінші деңгейдегі банктер арқылы ипотекалық қарыздар беру және міндеттемелерді өтеу үшін жылдық 9,65% өтеу кірістілігі бар 10 жылдық меншікті KZ2C0Y10F013 (KZ2C00003333, KZIKb27) облигацияларын орналастырды. Сауда-саттық қорытындысы бойынша Компания KASE-ге 5,4 млрд. теңге тартты.

Қазақстан Ипотекалық Компаниясы ипотекалық облигациялар шығару арқылы екінші деңгейдегі банктерді қорландыру қызметін 2017 жылы қайта бастады және 2017-2018 жылдары мемлекеттік емес институционалдық инвесторлар арасында жалпы сомасы 25,8 млрд. теңге меншікті облигацияларын орналастырды. Нәтижесінде Компания «Tengri Bank» АҚ, «Qazaq Banki» АҚ, «Экспресс Финанс» ИҰ» АҚ, «Азия Кредит Банк» АҚ сияқты ұйымдардан ипотекалық қоржындар сатып алды және «Банк ЦентрКредит» АҚ-дан ипотекалық кепілмен қамтамасыз етілген қарыз шарттары бойынша талап ету құқықтарын сатып алды. 2001-2018 жылдар кезеңінде ЕДБ және ипотекалық ұйымдардың ипотекалық қоржындарын сатып алу үшін «ҚИК» ИҰ» АҚ 217,4 млрд. теңгеден астам қаражат жұмсады.

Банк секторында мемлекеттік бағдарламалардың негізгі қаржылық операторларының бірі ретінде «Қазақстан Ипотекалық Компаниясы» ИҰ» АҚ-ның осындай қолдау құралдарына деген тұрақты сұраныс сақталып келеді.