Қазақстанды газбен қамту деңгейі 50% асады

21
газдандыру
Фото: asremonta.com

Алматы. 21 маусым. 7kun.kz — Қазақстанда жаңа кен орындарын іске қосу кейінге қалдырылады және елді газдандыруды жалғастырады. Энергетика министрі Қанат Бозымбаевтың пікірінше, бұл шаралар экономиканың одан әрі өсуіне ықпал етеді.

«Өздеріңіз білесіздер, Үкімет жұмысы бүгінде Президент Қасым-Жомарт Тоқаевтың «Сабақтастық. Әділдік. Мөлдірлік» сайлау алды бағдарламасын жүзеге асыру үшін жолға қойылды. Энергетика министрлігі желісі бойынша экономиканың өсуін жалғастыру үшін негізгі шаралар әзірленді. Біз отын-энергетикалық кешенде жаңа кен орындарын іске қосу ынталандырылатын болады деп болжаймыз», — деді Қанат Бозымбаев Орталық коммуникациялар қызметінде.

Ол алдағы жылдары саланың анағұрлым жоғары қайта бөлуге көшуі, өзінің технологиялығын арттыруы, барлық жерде цифрландыру енгізілуге тиіс екенін атап өтті.

«Біз елді ауқымды газдандыруды жандандырамыз», — деді министр.

Ол Қазақстанда газдандыру деңгейі 49,7%-ға жеткенін, газға 9 млн-ға жуық адам қол жеткізгенін еске салды. 13 өңірде 100-ден астам жоба іске асырылады. Бұл республиканың 1 млн-нан астам тұрғынына газды пайдалануға мүмкіндік береді.

Сондай-ақ, Қанат Бозымбаев «Сары-Арқа» газ құбырының құрылысы бойынша дәнекерлеу жұмыстары Жезқазғанға жақын жерде жүргізілгенін хабарлады.

«Бүгінде 420 км құбыр дәнекерленген, бұл газ құбыры ұзындығының 40%-дан астамы. Елордадан басқа, бірінші кезеңде 171 елді мекеннің 142 мың тұрғыны газға қол жеткізеді, оның ішінде Қарағанды, Теміртау, Жезқазған, Сәтбаев, Саран, Шахтинск бар. Жалпы, 2019 жылдың қорытындысы бойынша елді газдандыру деңгейі 50% — дан асады деп күтілуде», — деді министр.