9 сәуір. Алматы. 7kun.kz - Азаматтық бастамаларды қолдау орталығы мен Халықаралық «Жанашыр» қоғамдық қоры «Рухани жаңғыру» бағдарламасы аясында 10 сәуір - 30 қазан аралығында «Рақмет саған, Қазақстан», «Спасибо тебе, Казахстан»тақырыбында эссе жазу байқауын өткізеді.

Байқаудың мақсаты: Отанға, туған жерге деген сезімдерін жеткізе білуге үндеу. Отанымыз Қазақстан Республикасы туралы не білетіндігін саралау, алған мәліметтер бойынша білімдерін бекіту, байқау арқылы ұлттық құндылықтарды азаматтық ұстанымына негіз етіп алған тұлғаларды тәрбиелеу.

Байқауға Қазақстан Республикасында тұратын 12 жас пен 80 жас аралығындағы барлық ұлт өкілдері қатыса алады.

Парақ өлшемі – А4, барлық абзацтар – 2 см, авторлық жұмыс – мәтіндік немесе графикалық материал түріндежәне Word форматта, шрифт Times New Roman, өлшемі – 14, жол аралығы – 1.5. Жұмысты Word форматта сақтаңыз. Эссе көлемі 5 беттен аспауы керек.

Қатысушылар өтінімдерін 15 қазан айына дейін тапсыруы керек:

Байқау нәтижесі бойынша бірінші, екінші және үшінші орындар беріліп, жеңімпаздар дипломдар мен бағалы сыйлықтармен марапатталады

Үздік эссе жазу байқауы, БАҚ-тар мен әлеуметтік желілерде жарияланады.

Байқау жұмыстары электрондық поштаға жіберіледі: Zhanashyr@mail.ru

Байқауға келіп түскен эсселер 7kun.kz сайтында жарияланады.