Қытайда 3D-принтер көмегімен көп қабатты үйлер басылып шығуда

Қытайда 3D-принтер көмегімен көп қабатты үйлер басылып шығуда

Цзянсу (Қытай) провинциясында жақында ғана 3D-принтер көмегімен жасалған көп қабатты үйлердің көрмесі ашылды  деп хабарлайды architizer.com.

Өткен жылы он шағын біркелкі ғимаратты ұсынған Shanghai Winsun компаниясы осы жылы үш қабатты зәулім үй мен бес қабатты көп пәтерлі тұрғын үйді көрермендерге көрсетті.

Winsun_02

Екі ғимарат та әзірге көрмелік болып табылады, олар іштей безендірілмеген және экспозициялық аймақта иық тірестіріп тұр. Зәулім үй аумағы 1100 шаршы метрді құрайды. Ол балкон және бағаналармен көркемделген. Көп пәтерлі үйдің тартымдылығы аздау, бірақ ол 3D-принтер көмегімен қолжетімді тұрғын үй енгізуге болатынын көрсетті.

Winsun_04

Арнайы 3D-принтер биіктігі 6.4 м, ал ені 9.75 м болатын бөлшектерді дайындап шығарады. Оған қоса, баспа материалы ретінде қайта өңделетін құрылыс қалдықтарының, әйнек, болат және цемент қоспасы  қолданылады. Олар үй қабырғасы қажетті қалыңдыққа жетпейінше «сия» сияқты қабат-қабатымен жағылады.

Осы сияқты ең шағын құрылыстардың бағасы АҚШ аумағында  150 мың доллар тұрады. Қомақты бағасына қарамастан WinSun компаниясы мұндай құрылыс үшін көптеген тапсырыс алып үлгерді.