2018 жылы 22,7 млн қорап заңсыз темекі өнімі тәркіленді

темекі
Фото: golos-narodu.com.ua

Алматы. 3 шілде. 7kun.kz – AC Nielsen халықаралық агенттігінің зерттеуі бойынша, Қазақстанда заңсыз темекі өнімдерінің нарықтағы үлесі 2018 жылы 1,8%-ды құрады.

Нәтижесінде, мемлекеттік бюджетке шамамен 1,9 млрд теңге салық төленбеді.

«Филип Моррис Қазақстан» мәлімдегендей, мемлекеттік органдар 2018 жылы заңсыз айналымнан 22,7 млн қорап темекі тәркіледі.

Өндірушілердің айтуынша, елдегі темекі өнімдерінің заңсыз айналымы көбінесе көрші елдердегі жағдайға байланысты. Өткен жылы Қырғызстаннан заңсыз өнімдердің өсуі байқалды.

«KPMG халықаралық аудиторлық ұйымының деректеріне сәйкес Қырғызстанда сатылған барлық темекінің үштен бірі заңсыз сату үшін елден шығарылады. Мұндай өнімдерді жеткізу үшін негізгі елдер – Ресей мен Қазақстан», — деп хабарлады компания.

Жергілікті нарықта заңсыз темекі нарығының үлесі көршілес елдермен салыстырғанда айтарлықтай төмен.

«Жекелеген бірлі-жарым әрекеттер заңсыз нарықты жоққа шығара алмайды. Мемлекеттік органдар органдары заңсыз сауда және оның зардаптары туралы халықты хабардар ету, заңсыз темекі өнімдерін өндіру және сату үшін айыппұлдарды күшейту, өндірушілердің, сатушылардың және құқық қорғау органдарының белсенді ынтымақтастығын кешенді және жан – жақты шараларды қолдануы тиіс», — деп мәлімдеді компанияда.

Сондай-ақ, өндірушілер мемлекеттік органдардың нарықты профилактикалық бақылауы тиімді деп атады.

«Бұл құқық бұзушылық жасаудың себептері мен шарттарын жою үшін алдын алуға, ұсыныстар беруге бағытталатын болады. Сондай – ақ, көлеңкелі нарықпен күресуге мүмкіндік береді және кәсіпкерлік субъектілерінің тәртіптілігіне әкеледі», — деп түсіндірді компанияда.

Дүниежүзілік денсаулық сақтау ұйымының мәліметі бойынша, әлемде темекі өнімдерінің жалпы айналымының шамамен 10% -ы заңсыз болып табылады және әлем мемлекеттері жылына 30 млрд доллар салық түсімдерінен айырылады.