Халық Банкі Казкоммерцбанктың капиталын 185 млрд теңгеге ұлғайтты

Халық Банкі
Фото: news.1.kz

Алматы. 1 шілде. 7kun.kz — «Қазақстан Халық Банкі» АҚ «Қазкоммерцбанктің» капиталын 185 млрд теңгеге ұлғайтты. Бұл туралы банктің баспасөз қызметі хабарлады.

«Халық Банкінің директорлар кеңесі Казкоммерцбанктің жай акцияларын басымдықпен сатып алу құқығын қолдану туралы шешім қабылдағанын хабарлайды. Бұл шешім «Казкоммерцбанк» капиталын ұлғайту шаралары шеңберінде қабылданды. 2017 жылғы 12 шілдеде Халық Банкі басымдықпен сатып алу құқығын пайдаланып, 96,81 пайызға тең үлесіне пропорционалды Казкоммерцбанктің 1 млрд 296 млн 698 мың 676 дана жай акцияларын сатып алды. Одан бөлек, сатып алынған акциялар үшін 185 млрд теңге сомасында төлем жасады. Ол сома Казкоммерцбанктің капиталында 2017 жылғы 12 шілде жұмыс күні соңындағы жағдай бойынша ескеріледі», — делінген хабарламада.