Алматыда алдын-ала жинақсыз 5 пайызбен несие беру жалғасады

жинақсыз
Фото: Atameken Business Channel

Алматы. 27 сәуір. 7kun.kz — Оңтүстік астананың жас отбасылары «Алматы жастары» бағдарламасы арқылы тұрғын үй алу үшін 2 млрд теңге бөлінді. Бұл қаржы қала тұрғындарына алдын ала жинақсыз жылына 5 % өсіммен несие алуға мүмкіндік береді.

Алматы әкімдігінің баспасөз қызметі хабарлағандай, бюджеттің қосымша қаражаты салықтан және шығындарды оңтайландырғаннан алынды. Қосымша ақша 64,7 млрд теңге болды. Енді оны тұрғындардың әлеуметтік қажеттіліктеріне жұмсайды. Атап айтқанда, жеке үйлерде тұратын аз қамтылған отбасыларға көмектесіп, газбен жабдықтау шығындарын өтеп береді.

ТҮКШ жаңғырту аясында 130 үйді жөндеп, қаланың барлық ауданында 585 ауланы абаттандырады.

Жеңіс күніне орай ардагерлерге 150 мыңнан 250 мың теңгеге дейін, ал оларға теңестірілген тұлғаларға 30-50 мың теңге көлемінде төлемақыны жоғарылатады. Сонымен қатар, ардагерлердің айсайынғы коммуналдық төлемдеріне көмек ретінде берілетін соманы 13 220-ден 15 630 теңгеге дейін өсіреді.

Автобус паркі жыл соңына дейін 530 автобусты жаңартады. Сонымен қатар, «ақылды» бағдаршамдарды орнату арқылы Жол трафигін басқарудың бірыңғай орталығын жобалау басталады.

Ақпарат көзі: Baq.kz