Қазақстан Малайзиядан кемінде 5 млрд доллар тартуды жоспарлап отыр

Малайзиядан

Алматы. 28 мамыр. 7kun.kz — Қазақстан Малайзиядан экономиканың бірқатар секторлары үшін кемінде 5 млрд доллар инвестиция күтеді. Бұл туралы Сыртқы істер министрі Қайрат Әбдірахманов мәлімдеді, деп хабарлайды The Edge Financial Daily.

Басылымға берген сұхбатында Әбдірахманов ел экономикасы өсіп, үлкен әлеуетке ие екендігін түсіндірді. Сонымен қатар, Қазақстан мұнай өнеркәсібінен кетуге тырысады.

«Малайзия бізге тұрақты даму үшін инвестицияларды қалай басқаруға болатынын мысалға келтіреді. Қазір малайзиялық инвесторларды өндіріс жабдықтары, тамақ өнеркәсібі, ауыл шаруашылығы, телекоммуникация, ақпараттық технологиялар салаларына және тоқыма өнеркәсібіне қатысты салаларға шақырамыз», — деп түсіндірді ол.

Министрдің айтуынша, 2017 жылы екі ел арасындағы тауар айналымы 123,4 млн долларды құрады, ал Малайзиядан Қазақстанға тікелей инвестиция 21 млн долларға жетті.

Тұтастай алғанда, Қазақстан 200 млрд доллар инвестиция тартты. Олардың жартысы Еуропалық Одақ, АҚШ, Ұлыбритания, Қытай және Ресейден болды.