Алматының орталығында атыс болды

404

Алматының орталығында атыс болды. Бұл жөнінде қалалық ІІД-нің баспасөз қызметі хабарлады деп жазады Tengrinews.kz.

Департаменттің ресми өкілі Салтанат Әзірбектің сөзіне сүйенсек, жанжал 24-тамыз күні Гоголь мен Абылай хан көшелерінің қиылысында орын алған. «Екі таныстың арасында дау туындап, сөзге келіспей қалған. Біреуі травматикалық тапанша қолданған. Кейіннен қылмыс болған жерден кетіп қалған. Ешкім зардап шекпеді. Атқан адамның кім екені анықталды, енді іздеу жұмыстары жүргізілуде. Аталған жағдай Алмалы аудандық ішкі істер бөлімінде тіркелген», — дейді Әзірбек.

Травматикалық тапаншаны 2015 жылдың соңына дейін қолдануға рұқсат етілгені анықталды.