2015 жылдың шілде айында өткен аймен салыстырғанда қайта сататын тұрғын-үй бағасы 1,2 пайызға, жаңасы - 0,3 пайызға төмендеді деп хабарлайды ҚР Ұлттық экономика министрлігінің статистика комитеті.

Абаттандырылған тұрғын-үйді жалға беру құны 0,8 пайызға түсті. Өткен айлардағы баспана сатылымы жағынан көш басында Алматы қаласы тұр, мұндағы тұрғын үйді сатып алу- сату мәмілелерінің саны - 2 001, одан кейінгі орында Қарағанды облысы - 1 667 және үшінші орында Оңтүстік Қазақстан облысы, мұндағы көрсеткіш - 1 411. Сондай-ақ, алғашқы бестікте Астана қаласы мен Шығыс Қазақстан облысы бар - 1 383 және 1 277. Ақпарат көзі: Forbes.kz