2016 жылы қазақстандық ұялы байланыс операторларының интерконнект мөлшерлемесі 2015 жылдағы 8 теңгеден 5 теңгеге дейін төмендейді деп хабарлайды Қазақстанның инвестициялар және даму жөніндегі министрлігінің байланыс, ақпараттандыру және ақпарат комитетінің (ҚР ИДМ БААК) баспасөз қызметі.

Мөлшерлеменің төмендеуі байланыс, ақпараттандыру және ақпарат комитетінде вице-министр Асқар Жұмағалиевтың төрағалығымен өткен "Кселл" АҚ, "Кар-Тел" ЖШС, "Мобайл Телеком-Сервис" ЖШС және "Алтел" ЖШС ұялы байланыс операторларының мәжілісі нәтижесінде бекітілді.

2012 жылдың желтоқсанында ұялы байланыс операторлары үш жыл ішінде интерконнект мөлшерлемесін жыл сайын 15%-ға төмендетіп отыру туралы бірлескен меморандумға қол қойған еді.