Қазақстандықтар саудаға 4,4 трлн теңге жұмсады

97
Фото: Flickr / Erzsèbet

Алматы. 13 шілде. 7kun.kz — 2018 жылдың қаңтар-маусымында бөлшекті сауда 4,4 трлн теңгені құрады. Бұл көрсеткіш 2017 жылдың дәл осы мерзімімен салыстырғанда 5,6% артты.

Соның ішінде азық-түлік тауарларының саудасы 32,1% (1,4 трлн теңге), ал басқа да қолданыс тауарлары 67,9% (3 трлн теңгеге жуық) болды.

Ірі сауда кәсіпорындарының үлесі бөлшекті сауда бойынша 56,2% (2,4 трлн теңге), жеке кәсіпкерлер мен қалалық базардың саудасы 43,8% (1,9 трлн теңге) құрады.

Ал көтерме сауда республика бойынша 2018 жылдың басынан 9,3 трлн теңгеге жетті. 2017 жылдан бұл көрсеткіш 6,1% өскен.