Биткоин құлдырауда: 20 000 доллар деңгейіне түсуге аз қалды

Әлем. 16 маусым. 7kun.kz – Биткоин бір күнде шамамен 7% төмендеді және құлдырауын жалғастыруда, деп хабарлайды 7kun.kz Reuters-ке сілтеме жасап.

Қазір инвесторлар криптовалюталарды жаппай сатуда, бұл бағаны 20 000 доллардан да төмен түсіруі мүмкін.

Биткоин 2021 жылдың қарашасында ең жоғары көрсеткіш 69 000 долларға жеткен,  одан бері шамамен 70%-ға төмендеді. Дүйсенбі күні таңертеңгі саудада криптовалюта технологиясының эталоны 24 000 доллардан төмен түсті, бұл 2020 жылдың желтоқсан айынан бері ең төменгі көрсеткіш. Бірақ сейсенбіде одан да құлдырап, 22,05 мың долларға дейін төмендеді.

Негізгі криптовалюталар осы аптада АҚШ-тың криптовалюталық несие беруші Celsius шоттар арасындағы ақшаны алу мен аударымдарды тоқтатқаннан кейін құлдырай бастады. Сондай-ақ АҚШ-тың Федералды резервтік жүйесінің пайыздық мөлшерлемелерінің күрт өсуі және инфляцияның өсуі туралы күтулер криптовалютадан акцияларға дейін барлық тәуекелді активтерге үлкен қысым жасады.

CoinMarketCap сарапшылары жаһандық крипто нарығының құны қарашадағы 2,97 триллион доллардан 900 миллиард долларға төмендегенін есептеді.