Ел ішінде «Автобус» операциясы өтіп жатыр

аумағында
Фото: inform.kz
Алматы. 22 қаңтар. 7kun.kz – 18 қаңтарда Ақтөбе облысында орын алған қайғылы оқиғадан кейін, Қазақстан аумағында барлық автобустарды тексеру туралы шешім қабылданды. Бұл туралы ҚР Инвестиция және даму министрлігі хабарлады.
«Автобус» алдын-алу шараларын Қазақстан Республикасы Ішкі істер министрлігінің әкімшілік полиция лауазымды адамдарымен бірлесіп, көлік комитетінің аумақтық инспекциялары жүзеге асырады. Тексеру 22 қаңтардан 18 ақпанға дейін жүргізіледі. Сондай-ақ, қалааралық, аймақаралық және халықаралық байланыстарда жолаушылар мен жүк тасымалдайтын көліктер мен жүргізушілерге әсер етеді.

 

«Жолаушылар автобустарының және таксилердің техникалық жай-күйі бұзылған жағдайда, олардың қауіпсіздік талаптарына сәйкес келмеуі, кейінгі пайдаланылуына тыйым салынады», — деп хабарлады ҚР Инвестициялар және даму министрлігі.

Бұдан басқа, көлік инспекциясының қызметкерлері мен жұртшылық өкілдері кіретін мобильдік топтар құру туралы шешім қабылданды. Олар көліктердің қозғалысы үшін жасырылған мүмкін маршруттарды анықтайды. Сонымен қатар, автокөліктерді міндетті және алдын-ала тексеруді жүргізуге және жүргізушілерді медициналық тексеруден өткізуге, сондай-ақ еңбек және тынығу режиміне сәйкестігіне тексеру жүргізілетін болады.