Елбасы мәртебесі жыл соңына дейін ресми түрде жойылады

Нұр-Сұлтан. 29 маусым. 7kun.kz – Қазақстан Парламенті жыл соңына дейін ҚР тұңғыш президенті Нұрсұлтан Назарбаевтың мәртебесіне қатысты түзетулерді қабылдайды. Бұл туралы Мәжіліс Спикері Ерлан Қошанов айтты, деп хабарлайды 7kun.kz.

5 маусымда қазақстандықтар референдумда Конституцияға 56 түзету енгізу үшін дауыс берді. Енді Парламент іс жүзінде заңдарға нақты өзгерістер енгізуі тиіс. Мәжіліс спикерінің айтуынша, түзетулер жыл соңына дейін қабылданады.

«Біз заңға өзгерістерді қарауды күзде бастаймыз. Жыл соңына дейін оларды қабылдауымыз керек. Президент алдымызға осындай міндет қойды», – деді Ерлан Қошанов.

Қошанов Назарбаевтың өкілеттігі мен мәртебесіне қатысты сұрақтар қазір Әділет министрлігінде қаралып жатқанын айтты.

«Әділет министрлігінде конституциялық және өзге де заңдарға өзгерістер енгізу бойынша жұмыс тобы құрылды. Мәселе осы жұмыс тобының аясында қаралып жатыр», – деді Қошанов.

Айта кетейік, бұған дейін Мәжіліс депутаты Дания Еспаева Парламент тұңғыш президент туралы заңның күшін жоюды қарастыратын заң жобасын қабылдауға қыркүйекте кірісетінін айтқан болатын.