Газ құбырындағы өртке байланысты қылмыстық іс қозғалды

Қазақстан газ құбырындағы өртке байланысты қылмыстық іс қозғалды.

Батыс Қазақстан облысындағы  Оренбург-Новопсков магистралының газ құбырында өртке байланысты қылмыстық іс қозғалды.

Қылмыстық істі 354-баптың (магистральды құбыр желілерін салу, жөндеу, пайдалану кезінде қауіпсіздік ережесін бұзып, ірі көлемде зиян келтіру)  2-бөлімі бойынша қозғады. Тергеуді Орал станциясындағы  Ішкі істер бөлімі жүргізуде.

Прокуратураның хабарлауынша, алдын-ала болжам бойынша газ құбырындағы апат құбырлардың ескіруінен болған.

Өрт 2 ақпанға қараған түні шыққан. Аймақтағы бірнеше елдімекендер көгілдір отынсыз қалған еді.