Экономикадағы банктік кредиттер 5%-дан астамға өсті

66
5
Фото: wsj.com

Алматы. 22 қараша. 7kun.kz — Бір жыл ішінде ҚР экономикасындағы банктердің кредиттері 5,7%-ға өсіп, қыркүйек айының қорытындысы бойынша 13,4 трлн теңгені құрады. Мұндай деректерді ranking.kz ұсынды.

Бұл ретте нарықтың барлық сегменттері банктердің бірдей несиелік қолдауына ие бола бермейді, ал неғұрлым тез өсіп келе жатқан бөлшек несиелендіруге жатады. Мәселен, ақшалай несиелеудің ең үлкен өсімі тұтынушылық кредит беру секторында белгіленген: бірден 724,8 млрд теңгеге, 3,9 трлн теңгеге дейін. Бұл қарыздардың жиынтық портфелінің 29,4%-ы, бір жыл бұрын 25,7%-ды құраған — нарықтың кредиттік сегменттерінің арасындағы ең жоғары көрсеткіш.

Сондай-ақ, ипотекалық несиелеу де өсімді көрсетті: 1,7 трлн теңгеге дейін, (+ 429,9 млрд теңге). Азаматтардың тұрғын үй құрылысы және сатып алу секторы портфельдің 13%-ын құрайды, өткен жылы — 10,4%.

Несиелік белсенділіктің ең көп төмендеуі бизнестің айналым қаражатын сатып алу сегментінде (- 478,6 млрд теңге, 2,8 трлн теңгеге дейін), сондай-ақ құрылыс және қайта құру саласында (- 90,4 млрд теңге, 539,6 млрд теңгеге дейін) байқалды. Сонымен қатар, бұл тізімде бизнеске негізгі қорларды сатып алуға берілетін несиелер (-31,8 млрд теңгеге, 1,1 трлн теңгеге дейін) де бар.

Ірі сегменттер арасындағы займдардың ең «таза» портфелдері — құрылыс және азаматтардың тұрғын үй сатып алуы саласында (мерзімі өткен несиелер несиенің 3,7%-ды құрайды) және тұтынушылық несиелерде (тек 5,9%).

Портфельдің ең жақсы сапасы — бағалы қағаздарды сатып алу сегментінде: мерзімі өткен қарыздар несиеден небәрі 0,01%-ды құрайды. Дегенмен, сегменттің несие қаржысының өзі экономикадағы несиелердің жалпы көлемінің 0,5%-ына ғана тең.

Ал несиелік портфельдің ең төменгі сапасы негізгі құралдарды сатып алу сегментінде тіркелді (қарыздар қоржынының 11,9%-ы).