Кобрендинг карта дегеніміз не?

кобрендинг

Кобрендинг карталар дегеніміз банк пен әр түрлі компаниялардың бірігіп жасайтын өнімі. Бұл жағдайда банктің серіктесі ұялы телефон операторы, әуе компаниясы, медицина орталығы, тіпті, азық-түлік дүкені де болуы мүмкін.

Кобрендинг картасы әдетте басқа банк карталары секілді жұмыс істейді — онымен қолма-қол емес төлемдер жасай аласыз, оның ішінде интернет-банкинг төлемдері де бар, қолма-қол ақша ала аласыз, ол кредиттік немесе жинақ картасы болуы мүмкін.

Сонымен қатар, оның иесі банк серіктесі ұсынған жеңілдіктер мен басымдықтарға ие бола алады. Көп жағдайда кобрендингілік өнімді жасай отырып, банк те, оның серіктестері де ақпарат алмасуды, клиенттік базасын кеңейтуді көздейді.