Алматы. 19 шілде. 7kun.kz - 2017 жылдың басынан бері елімізде 1300-ге жуық көлік ұрланған. Бұл туралы Алматы арнасы хабарлады.

Ал Алматыда 150-ден аса көлік жоғалған. Олардың 89-ы иесіне қайтарылыпты.

«Осы деректер бойынша қылмыстық іс қозғалды. Қылмыстық істің нормаларына сәйкес арнайы тергеу тобы құрылды. Оның құрамына тек ауданның ішкі істер басқармасы ғана емес, сонымен қатар криминалдық полиция басқармасының өкілдері кірді. Осы қылмыстардың басын ашу үшін арнайы жедел іздестіру тобының мүшелері өз жұмыстарын атқарып жатыр. Сонымен қатар, жаңа технологияларды пайдалану арқылы қылмыстың ашылуына бағытталған әрекеттер мен шаралар ұйымдастырылып жатыр»,- деді ІІД ресми өкілі Салтанат Әзірбек.

Полиция қызметкерлерінің айтуынша,  жапон мен неміс автокөліктері көптеп жоғалады.