Consensus Systems (әрі қарай ConsenSys) - блокчейн-технология нарығында өте ірі әрі танымал ойыншы. Компанияның негізгі қызметінің бірі – Эфириум желісінің тізіміне негізделген бағдарламалық қамтамасыз етуді және қосымшаларды құру болып табылады.

Джозеф Любин - компанияның басшысы және белгілі тұлға. Ол көбіне жаңалықтарда блокчейн, биткоин мен альткоин туралы өзінің пікірімен белсенді түрде бөлісіп отырады. Осы жолы да оның компаниясы 2018 жылғы блокчейн мен криптовалютаны дамытуға арналған «болжамымен» бөлісіп отыр. Төменде сіздердің назарларыңызға барлық 18 пунктін ұсынамыз.

Бастамас бұрын біз сіздерге -

криптовалюта әлемі туралы болжамдар - ауа-райы болжамы сияқты бірде қарапайым, тұрақты, бірде өзгермелі, сенімсіз нәрсе екенін айта кеткіміз келеді!

Сонымен, бастайық…

1. Биткоин - алғашқысы, бірақ ол «криптовалюта әлемінің жеке бөлігі ғана» және бұл нарықта одан да мықты көшбасшы әлі де дүниеге келуі керек.

«Осының бәрі» пайда болғаны үшін Сатошиге алғысымызды білдіруіміз керек. Себебі, дерекқор құрылымын p2p-желісін, криптографиялық таңбалау, консенсус қалыптастыру алгоритмі және экономикалық ынталандыру теориясын ойын арқылы біріктірген – дәл сол еді. Сонымен қатар, сандық сақтауға арналған құралды және үшінші тарапқа сенуді қажет етпейтін құнды аударуға арналған қаражатты да құрған сол. Бұл адамдарға биткоинді «цифрлық алтын» деп сақтауына мүмкіндік бергенімен, бұл Сатошидің бізге технологияларды қалай қолдануға болатынын ұсынған түрі ғана.

- Биткоин құндылықты сақтаудың цифрлық құралы – блокчейнді қолдануды ең аз түрде қызықтыратын құрал.

ConsenSys-тің мәліметі бойынша, биткоин протоколы - әлемдегі ең үлкен есептегіш тақтаға ұқсайды, бірақ:

«Ол бізге монетаны бір бағыттан екінші бағытқа көшіруге ғана мүмкіндік береді. Дегенмен, ақпарат тасымалдаушы жаһандық цензура идеясын тривиальды деп атауға болмайды, Тьюринг бойынша толық емес виртуалды машинаны қолданатын жобаның шектеулі перспективаларын асыра бағалауға болмайды», - деп есептейді.

Өз кезегінде компания блокчейнде өз бизнесін жандандырып отырған Эфириумды мақтауды да естен шығарып отырған жоқ: Эфириумда құнды заттарды сақтау және тарату мүмкіндігін сақтай отырып (биткоинды қолданудың жалғыз тәсілі), біз екі тараптық келісімдерді де жасай аламыз.

Қарыз және ICO

Microsoft Word-та адвокаттар жазған және нотариуспен куәландырған келісімшарттар машина кодына қатысты келісімдерге - сандық сипаттағы транзакциялық активтерге айналады.

Интернетте байланыс стандартталған және қол жетімді қызметтер бөліміне көшкендей, Эфириум да қолжетімді келісімдер жасап, өзара құпия қарым-қатынас орнатады.

2. Блокчейн үшін 2018 жыл - 1994-96 жылдардағы интернет сияқты

Алдымен Intranet болды

Интернеттің дамуы жеке интра желіден (Intranet) басталды, ал бақыланатын блокчейндар цензураға төтеп бере алатын блокчейндарға орын берді.

Стегтің уақыты келді

Келесі ұрпақ келесі құрамнан тұратын «стекпен» көрсетіледі:

• Орталықсыздандырылған транзакциялар деңгейі (мұнда ең күшті үміткер - эфириум);
• Орталықтандырылмаған файлды сақтау деңгейі (бұрынғы көшбасшылар - IPFS және Swarm);
• Орталықсыздандырылған хабар алмасу деңгейі (Matrix немесе Whisper - күшті үміткерлер);
• Жоғары өнімді есептеу ресурсы (бұл жердегі жақсы әрекет - Golem).

Тұтынушы

Қанша таңырқасақ та, бірақ 90-жылдардағы интернеттегі басты тұтынған сала көздері - ойындар, гемблинг (құмар ойындар) және порнография болды.

ConsenSys  (Spankchain, Fun Fair, Virtue Poker және Crypto Kitties сияқты жобаларды мысалға ала отырып) бұл жағдайдың қайталанатынын растап отыр.

3. 2018 жылы Эфириум екі есе кеңейеді, пайда тауып шығаратын ең көлемді экожүйелердің біріне айналады, тіпті дерлік, оған жұмысшы таптары жетіспейтін жағдайға жетеді.

Жұмысшы таптары жетіспейтіні соншалық, оларды тіпті алтынға теңейтін болады. Мұндағы, алтын дегеніміз - жұмыс тәжірибесі мықты жұмысшылар. Дәл осындай жұмыскерлер ең сәтті көрсетілімдер мен болашақтағы жаңа блокчейн проектілеріне қатысатын болмақ.

Бұған қоса, ConsenSys-тің криптоэкономикалық стимулдары жоқ немесе төмен блокчейн-жүйелерді  басқаратын ойы мүлдем жоқ.

Оған қоса, өздерінің жүйелері қандай жетістіктерге жеткендігі туралы шағын статистика жүргізбек:

Қазірде Эфириумда өзінің бетке ұстар жұмыс таптары жетерлік, мысалы, Truffle смартконтрактында өз жұмыскерлері ойлап тапқан 250 000-нан астам жүктеп алу материалы  бар.

Infura  сервисі —Akamai  аналогі Эфириумға және IPFS-қа арнап күн сайын 2 млрд-қа жуық сұранысты өңдеп шығарады және бұл көрсеткіш осы жылдың желтоқсанына дейін 4,5 млрд-қа жетпек.

MetaMask сервисінің қалтасында қазірде 50000-ға жуық пайдаланушы бар.

4. Блокчейннің арқасында қайырымдылық істері жасалатын болады

2018 жылы бізді блокчейнде гуманитарлық жобаларда жарқыраулар күтіп тұр. Бұл жобалар өте сәтті болмақ, блокчейн бұл жобаларды жүзеге асыруда үлкен орын алады. Осыған ұқсас бағдарламалар 2017 жылдың басынан бастап қалыптаса бастаған болатын. Ал «пионерлердің» оңтайлы мысалы осыған ұқсас жаңа бағдарламалардың дүниеге келуіне септігін тигізе алады.

5. Бақылаудағы блокчейндер жойылады

Цензураға төтеп бере алатын блокчейн-жобалар олардың жұмысының масштабталуы мен құпиялығын қамтамасыз ету мақсатында жұмысын жақсартып жатқанда, бақылаудағы блокчейндар әзірлеушілер мен клиенттер базасын әлі де жоғалтады. Кейбір интернет-сервистермен -  AOL, Prodigy және Compuserve осылай болған. Кезінде SWIFT-те интернетке тиісті болмағаны сияқты, бақылаудағы блокчейндер де төмен интражелілерде бірігуі мүмкін. Алайда, «қалыпты» бизнес цензураға төзімді хаттамаларды қолданады.

Интернеттің барлық жерде таралғанына дейін, интражелілер тамаша «жаттығу» дөңгелектері болды. 2018 жылы бақылаудағы блокчейндер ең алдымен, ұқсас жолды ұстанатын болады.

6. Болашақ Proof-of-Stake-те және ол келіссөздер ережелерін өзгертеді

Proof-of-Work  консенсусының алгоритмі - бұл DDOS шабуылдарын болдырмау және блоктық бөлмеге спам жіберу сияқты басқа да бұзушылықтар үшін қолданылған экономикалық шара. Proof-of-Work веб-сервиспен әрекеттесуді сұрайтын бағдарламалардан кейбір жұмыстарды талап етеді. Бұл, әдетте, графикалық процессор немесе ASIC құрылғысы бар компьютерде күрделі теңдеулерді өңдеу арқылы жасалады.

ConsenSys-тің мәліметі бойынша, бұл кеншілердің, әзірлеушілер мен қоғамдастықтың басқа мүшелерінің қазіргі жүйесін «қозғалтуы» керек.

7. SAFT токендерді басқарудың соңғы нұсқасы болмайды

Әлем халқының көп пайызы көптеп қолданатын табиғи цифрлық активтердің артықшылықтарын мойындағаны секілді (табиғи ресурстар, фиатты ақшалар, алтын, музыка, адалдық ұпайлары, концерттік билеттер, бағдарламалық қамтамасыз ету, жылжымайтын мүлік, IoT құрылғыларын тіркеу, акциялар және т.б.) әлемнің кең тараған ресурстары реттелуді қажет етеді. Реттеуші органдар келісім-шарттардың бағдарламалық жасақтамасының ерекшеліктерін жасауы және тиісті компаниялар жүргізетін сынақтарды әзірлеуі қажет.

8. 2018 жылы блог-технологиямен жұмыс масштабты түрде оқытыла бастайды

Осы уақытқа дейін IT-саласы бойынша оқығандар негізінен инженер-программист болып жұмыс істейтін. 2018 жылы MBA мамандарға, адвокаттарға, жобалық менеджерлерге, блокчейндегі топ-менеджерлерге осы жаңа технологияны пайдаланудың салдарын түсіндіретін мамандандырылған білім беру бағдарламалары құрылады.

9. 2018 жылы барлық елдердің салық органдары өз үлесін өздері алуға тырысады.

«Өлім мен салықтан басқа ештеңені дәл болжап айтуға болмайды» - Бенджамин Франклин

АҚШ-та Coinbase биржасы өзінің сауда тарихын пайдаланушылар базасымен бірге «тапсыруға» мәжбүр болған жағдай орын алған. Бұл қайталануы әбден мүмкін. Баланс3 сияқты бағдарламалық қамтамасыз ету сандық актив нарығында адамдардың және компаниялардың пайдасы мен шығыны туралы ақпаратты қадағалауға, сондай-ақ олардың сауда-саттығының бүкіл тарихын алуға мүмкіндік береді.

Ешкімге жеңілдік жасалмайды, бәрі де төлейтін болады.

10. 2018 жылы сәйкестендіру «қолдық режимге» өтеді және тікелей мемлекет тарапынан жүргізіледі

Біз адам, компаниялар мен машиналар, үшінші тарап қызметтері: (банктерді, әлеуметтік желілерді, интернет-провайдерлерді және т.б.) пайдаланбай-ақ өзіміздің жеке басымызды басқара алатын жағдайға жеткенде тенденцияның дамығанын көреміз.

Қызықтыратыны, үкімет мұндай тәуелсіз жүйелерде ақпаратты растайтын функцияларды барынша қабылдайтын болады. Осындай шешім Швейцариядағы Зугта жүзеге асырылып жатыр: жергілікті билік органдары Эфириумге негізделген uPort жүйесінде сәйкестендіруді тексереді және азаматтарға цифрлық куәліктерді пайдалануға мүмкіндік береді.

11. Блокчейн үкімет пен реттеушілердің қолдауынсыз тез арада активтер мен салмаққа өтеді

Компаниялар мен ұйымдар қадағалау мен бақылаудың негізгі инфрақұрылымын қоғамдық блокчейнға тапсыруға болатынын түсінеді. Бұл шығындар мен нормативтік салмақты төмендетуге, сондай-ақ клиенттің адалдығын арттыруға әкеледі. Осындай үрдістер қоғамдық блокчейнге негізделген жалпы қадағалау мен бақылау инфрақұрылымының негізін құрайды.

Fortune 50 тізіміндегі ең ірі компаниялар қазірдің өзінде қадағалау және бақылау саласында қоғамдық блокчейндерді пайдалануды талап етіп жатыр, олар үшін Viant платформасында шешімдер әзірленіп отыр.

12. Құқықтану информатикамен тікелей байланыста болады

Ертеңгі күннен бастап адвокаттар компьютерлік ғылымның негізгі аспектілерін құқықтық прецеденттермен бірдей деңгейде білуі керек.

OpenLaw-ны пайдалана отырып, адвокаттар эфириум мен IPFS-тің негізіндегі жаңа ұрпақтың құқықтық келісімдерін құруға, орналастыруға және өңдеуге қабілетті болады. Шектеулі акцияларды сатып алу, еңбек шарты және ERK20 белгілерін сатып алу туралы келісімдер бұған тамаша мысал бола алады.

13. Ашық жобалардың әзірлеушілері жобаларды хаттамалық деңгейде монетизациялау мүмкіндігіне ие болады

Әзірлеушілер жаңа технологиялар арқылы ашық бастапқы жобаларды ынталандыруға және монетизациялауға қабілетті болады. Любиннің айтуынша, Bubles.Network және Gitcoin жобаларына мысал ретінде бағдарламалық жасақтаманы әзірлеуге жаңа криптоэкономикалық деңгей қосылады.

14. Аудиторлық қызметтер мен тестерлер үлкен сұранысқа ие болады

ConsenSys-тің пікірінше, бағдарламалық жасақтаманың әзірлеушілері ондаған жылдар бойы кодты қате жасағанын және бұл қатты сыналмағанын ескерсек, бағдарламалық қамтамасыз ету көбінесе қарым-қатынас механизмі болып қызмет атқарған. Дегенмен, «интернеттегі құндылықтарға» сандық активтермен көшу кезінде қателер капиталдың жоғалуын білдіреді. Блокчейн-қауымдастыққа смарт-келісімшарттар үшін қауіпсіздік аудитінің жүйесі қажет екенін мойындау үшін әсіресе, 2016-2017 жылдар аралығындағы, бұрынғы қателіктерді қайталаудың қажеті жоқ.

15. 2018 жыл көптеген жаңа заңдар мен интеллектуалды келісім-шарттардың жылы болмақ

2018 жыл үкіметтердің азаматтармен және үкіметпен өзара қарым-қатынасы, яғни смарт-келісімшарттар арқылы жасалған заңдар, ережелер мен шарттардың жылы болады. Тараптардың мұндай өзара іс-қимылы жүз есе арзанырақ, әлдеқайда сенімді болмақ және дербес немесе корпоративтік деректерді ұсынуды қажет етпестен тиісті бақылауға мүмкіндік береді.

16. Қамтамасыз етілген криптовалюталар мен «стейблкоиндар» жақын арада пайда болады

Тұрақты коэффициенттер (stablecoins), яғни фиат валюталарында белгіленген мәнге ие монеталар, хеджирлеуге және туынды құралдарға арналған қаржы құралдарының негізі болады, бұл оларды қауіпсіз және қолайлы қаржы өнімдеріне көшуіне мүмкіндік береді. DAO, VariabL және Basecoin жасаушылар оларды іске қосу экожүйелерінде жүзеге асырады, бірақ бұл цифрлы активтердің экожүйесі үшін деректердің құндылығын, өтімдігін және сенімдігін қамтамасыз ететін банк бизнесіне арналған тамаша өріс.

ConsenSys сондай-ақ, егер елдердің үкіметтері жылдам болса, осы жылы сандық мемлекет валюталары пайда болады деп сеніп отыр.

17. Криптовалюта үшін одан да көп фьючерс

АҚШ-тың реттелетін биржаларындағы алғашқы фьючерсті биткоин-келісімдер есептік болды, бірақ бұл ұзаққа созылмайды. Нарық манипуляциядан аулақ жүретін тауарлардың шынайы жеткізілуін қамтамасыз ететін шарттарға көшеді. Бұдан басқа, біз Эфир секілді басқа цифрлы активтердің туындыларын көреміз.

18. Ең бастысы: 2019 жылдың 1 қаңтарына дейін блокчейн базасына негізделген цифрлық активтердің нарықтық капиталдандыруының жалпы көлемі 2 триллионнан асады.

Эфирдің бағасы 2018 жылы 2000 доллардан асады. Ол биткоинды бағасы және нарықты капиталдандыру деңгейі бойынша асып түсуге тырысады. Биткоинның қанша тұратынын Джозеф те, оның компаниясы да дәл болжап айта алмай отыр. Алайда, ерте ме, кеш пе, криптовалюта нарығына «қыс» мезгілі туатыны туралы ескертеді, алайда 2018 жылы криптовалюта жас индустриясы көктеммен рахаттанатын болады.

Өзіңіздің жеке пікіріңіз, тәжірибеңіз бен нанымдарыңызға сүйеніп, жоғарыда айтылғандардың бәрін жеке ой елегінен өткізуге кеңес береміз. Бұл материал ойлауға керемет мүмкіндік береді, бірақ орын алатын алдағы оқиғалардың кепілі емес. Сіздерді келешекте одан да қызықты оқиғалар мен қызықты жобалардан тұратын таңғажайып жыл күтіп тұр.