Алматы. 3 ақпан. 7kun.kz — ҚР-нан шетелдерге ақша аудару жүйесі арқылы жіберілген ақша көлемі 2019 жылы 655,2 млрд теңгені құрады - 2018 жылға қарағанда 8,9%-ға артық. Мұндай деректерді ranking.kz ұсынды.

Транзакциялар саны 1,7%-ға, 2,6 миллионға дейін қысқарды, бұл бір аударымның орташа чегін 224,9 мыңнан 249,1 мың теңгеге дейін арттырды.

Шетелдерге ақша аудару жүйесі арқылы жөнелтілген ақшаның жалпы көлемінен Ресейге 208,8 млрд теңге тиесілі - бір жыл бұрынғы көрсеткіштен 10,6%-ға кем.

Екінші орында Өзбекстан - 139,2 млрд теңге, бір жыл ішінде өсім 24,7%-ды құрады.

Үшінші орынға Түркия ие болды: 93,4 млрд теңге - 2018 жылғы қаңтар-желтоқсанға қарағанда 32,8%-ға артық.

Шетелге жіберілген ақша көлемі бойынша ақша аударымдарының жүйесі арасында "Золотая Корона" көш бастап келеді: 480,8 млрд теңге, жыл ішіндегі өсім — 20,6%. Барлық көлемнен үлесі 66,2%-дан 73,4%-ға дейін өсті.

Одан кейінгі орындарда - Western Union (75,4 млрд теңге) және Contact (24,9 млрд теңге).