Нұр-Сұлтан. 12 қыркүйек. 7kun.kz – 2023 жылдан бастап оған 50 жастан асқан қазақстандықтар «Күмі жас» жобасына қатыса алады. Бұл туралы Еңбек және халықты әлеуметтік қорғау министрі Тамара Дүйсенова айтты, деп хабарлайды 7kun.kz.

Қазіргі таңда аталған жобаға тек 58 жастан асқан адамдар қатысуда.

Жобаның мақсаты – зейнеткерлік жас алдындағы жұмыс істемейтін әйелдерді жұмыспен қамту. Жоба шеңберінде әйелдерді жеке көмекшілер, күтім жөніндегі әлеуметтік қызметкерлер, әлеуметтік жұмыс жөніндегі консультанттар, жас қызметкерлер үшін тәлімгерлер және т.б. қызметші ретінде жұмысқа орналастыру жүзеге асырылады.

«Күміс жас» жобасына қатысу кезеңі еңбек өтіліне есептелетін болады, ал 30 АЕК (2023 жылы 100 мың теңге) мөлшеріндегі төлем сомасы зейнетақыны есептеу кезінде табыс ретінде қаралады деп көзделуде. Осылайша, аталған әйелдер санаты зейнетке шыққан кезде қазіргі кездегідей 20 мың теңге емес, жобаға қатысу өтіліне байланысты 70 мың теңгеге дейін алатын болады», – деді министрлікте.

1998 жылға дейін еңбек өтілі жоқ және тек жинақтаушы зейнетақы жүйесінен зейнетақы алатын адамдар үшін жаңа шарт - жинақтаушы зейнетақы енгізілетін болады. Бұл жүйеден төлемдер жұмыс берушілер өз қызметкерлерінің пайдасына жүзеге асыратын қосымша жарналар есебінен төленеді.

Айта кетейік, бұған дейін Мемлекет басшысы Үкіметке жоспарланған әйелдердің зейнеткерлік жасын 61 жас деңгейінде ұзарту туралы шешімді 2028 жылға дейін тоқтата тұру жөнінде тапсырма берді. Кейінгі 3 жыл ішінде жиынтық зейнетақыны орта есеппен 27%-ға артып, бұл өсім 2 млн астам зейнеткерді, сондай-ақ 1998 жылға дейін еңбек өтілі бар болашақ зейнеткерлерді қамтитын болады.