5 жыл ішінде Сирия экономикасы соғыс салдарынан 255 млрд доллар шығын шекті. Бұл туралы ВВС  агенттігіне сілтеме жасап, ҚазАқпарат хабарлайды.

Сирияның саяси зерттеу орталығының мәліметіне сәйкес, соғыс ел экономикасының құлдырауына әкеп соқты. Жұмыссыздардың саны 2011 жылмен салыстырғанда 50%-ға артып (2011 жылы 14% ), халықтың 70%-ы кедейлікте өмір сүруде.

Сондай-ақ, соғыс жағдайы елдегі ауыл шаруашылығына да әсерін тигізген. Осыдан бірнеше жыл бұрын экономиканың негізгі көзі болған сала соғыс әрекеттерінен зардап шеккен.

Сондай-ақ, халық үшін жедел жәрдем көмегіне жүгіну қиындай түскен. Соғыс салдарынан ауруханалар бүлініп, 697 медицина қызметкерлері қаза тапты.