Астана. 25 мамыр. 7kun.kz - ОПЕК-ке мүше және мүше емес елдер мұнай өндірісін қысқартуды тағы тоғыз айға созуға келіссе Brent маркалы мұнай 2018 жылы барреліне $55 дейін өсуі мүмкін. Бүгін Wood Mackenzie сарапшылары осындай болжам жасады.

WoodMac қаңтардағы болжамында биыл мұнай бағасы барреліне 50 доллар айналасында болады деген еді. Енді қазіргі жағдайды сараптай келе мұнай бағасы биыл барреліне 55 доллар болуы мүмкін деп болжап отыр. Егер ОПЕК елдері мұнай өндірісін азайтуды дәл қазіргі қалыпта ұстап тұрса жыл соңында барреліне 60 доллар асып қалуы ғажап емес.

«Егер мұнай өндірісін азайту күшінде болса 2018 жылы барреліне 63 доллар болады»,- дейді сарапшылар.