Алматы. 6 қыркүйек. 7kun.kz — Алматы қаласындағы «Алматы» қонақүйі атауын өзгертеді. Бұл туралы «Astana Group» компаниясының баспасөз қызметі мәлімдеді.

Astana Group компаниясы қонақүйді өзінің бастапқы түріне қайтарады. Бірақ атауы өзгереді. Бұрын қонақүйдің фасадында атауы «Алматы» және «Алма – Ата» деп жазылса, енді «Almaty» атауымен жазылады.

Дизайн концепциясын әлемге әйгілі британдық Chapman Taylor компаниясының сәулетшілері дайындады. Олар MEGA Alma-Ata сауда орталығының және MEGA Silk Way сауда ойын-сауық орталығының жобаларымен елге таныс.

Нұрлан Смағұловтың айтуынша, қонақүйді жаңалуға 3-4 млн доллар кетеді.

Айгүл Хожантаева