Алматы. 7 маусым. 7kun.kz - Шетелдік инвесторлар кеңесінің 31-пленарлық отырысы аясында Қазақстан Республикасының Инвестициялар және даму министрі Жеңіс Қасымбек POLPHARMA бақылау кеңесінің президенті Ежи Старакспен кездесті.

Кездесу барысында тараптар «Химфарм» АҚ инвестициялық жобасын әрі қарай дамыту жоспарларын, сондай-ақ Қазақстандағы фармацевтика өнеркәсібінің жобаларына қосымша инвестиция салу мәселесін талқылады.

Компания нарықтық қажеттіліктерге негізделген өнім портфелін жыл сайын кеңейтеді. Олардың көпшілігі инъекциялық, инфузиялық ерітінділер мен таблетка түрлерін шығару.

Сонымен қатар, компания антибиотиктерді ұнтақтауға арналған өндіріс алаңын, ауыз қуысының қатты дәрілік заттарын, қоймаларды, зертханалық қондырғылар мен инфрақұрылымды - жолдарды, жаңа қазандықты, коммуналдық қызметтерді өндіру цехын модернизациялауды аяқтады.

Бүгінгі күні компания шамамен 70 млн АҚШ долларын игерді.

2020 жылға дейін инвестициялық бағдарламаның көлемі шамамен 108 млн АҚШ долларын құрайды.

Еске сала кетейік, Қазақстан Республикасының Президенті Н.Ә. Назарбаевтың 2016 жылы Польшаға мемлекеттік сапары аясында HerbapolWarsaw («Польфарма» тобының бөлігі) мен Оңтүстік Қазақстан мемлекеттік фармацевтикалық академиясы арасындағы SANTO компаниясының негізінде өсімдік шикізатының жаңа өнімдерін өндіруге бағытталған ынтымақтастық туралы келісімге қол қойды.

Қазақстан Президенті 2016 жылы сәуір айында Шымкенттегі зауытқа барған кезде шөптерге негізделген қазақстандық өндірісті дамыту перспективасына айрықша тоқталған болатын. Келісімге қол қою Қазақстан Республикасы Президентінің тапсырмасын орындау аясында іске асырылды.

Келісім Шымкенттегі зауыттың инновациялық технологияларын пайдалана отырып, өсімдік негізіндегі жаңа дәрілік заттарды әзірлеуде Польша мен Қазақстан зерттеушілерінің бірлесіп жұмыс істеулеріне мүмкіндік береді.