Алматы. 15 маусым. 7kun.kz - 2018 жылдың қаңтар-мамырында Қазақстанда негізгі және түсті металлдар 1,1 трлн теңгеге өндірілді, деп хабарлайды LS.

Бұл көрсеткіш өткен жылмен салыстырғанда 2,3%-ға өсті.

Оның ішінде тазартылған күміс 407 мың кг өндірілді. Бұл өндіріс өткен жылмен салыстырғанда 7,7%-ға төмендеп отыр.

Өңделмеген және жартылай өңделген алтын 36,6 мың кг (7,2%-ға өсті), ал тазартылған алтын 19,7 мың кг (14,2%-ға өсті) өндірілді.

Бұдан басқа, 753,2 мың тонна шикі алюминий (0,5% өсім), 63,9 мың тонна шикі қорғасын (4% өсім), 137,7 мың тонна шикі мырыш (1 , 9%) және 169,2 мың тонна тазартылған мыс (2,9% -ға төмендеу) өндірілді.