Алматы 18 маусым. 7kun.kz - Қазақстанда мемлекеттік активтерді жекешелендіру бойынша 4 млрд доллардан 7 млрд долларға дейін қаражат табуға ниетті, деп мәлімдеді Ұлттық экономика министрі Тимур Сүлейменов, деп хабарлады LS.

Экономика министрлігінің басшысы 2018 жылы жекешелендірудің құрама жоспарында объектілерді сатуды аяқтауды жоспарлайтынын түсіндірді. Бірақ олардың арасында «Самұрық-Қазына» мемлекеттік қорының жеті компаниясы болмайды.

Олардың ішінде 2019-2020 жылдары IPO арқылы жүзеге асырылатын «Қазақстан темір жолы», «Қазатомпром», «Самұрық-Энерго» және «Қазақтелеком» бар. Мемлекеттік мүлікті жекешелендіруден және ұлттық басқарушы холдингтердің бір бөлігін құрайтын активтерді сатудан күтілетін табыс 4 млрд доллардан 7 млрд долларға дейін жетеді », - деді министр.

Ол, сондай-ақ Қазақстандағы мемлекеттік-жекеменшік серіктестіктің (МЖС) дамуын түсіндірді.

«Қазіргі уақытта министрлік МЖС бойынша мемлекеттік міндеттемелердің лимиттерін анықтау мәселелерін әзірлеп жатыр. Негізгі нәтиже ретінде келісімшарттардың саны 183-тен 250-ге дейін көбеюі керек», - деп болжайды Сүлейменов.

Халықаралық саудаға түсініктеме бере отырып, министр ЕАЭО аясында жақын арада Израиль, Мысыр, Үндістан, Сингапур және Сербиямен еркін сауда туралы келісімге қол жеткізілетінін атап өтті.