«Эйр Астана» әуе компаниясы Дубай мен Абу-Даби қалаларына ұшу билеттерін балаларға тегін етіп жатыр.

«Дубай мен Абу-Дабиге бару үшін билеттерді бүгін алып, 2-11 жас аралығындағы балаңызды тегін апарыңыз. Акция бойынша билеттерді тек 2015 жылдың 1 маусымы мен 30 қыркүйегі арасында ғана алуға болады», - деп көрсетілген әуе компаниясының ресми порталында. Акция шарттары: сапар эконом-классқа және тек қана «Эйр Астана» компаниясы жүзеге асыратын рейстерге ғана арналған. Сатылым уақыты: 2015 жылдың 3 наурызы - 30 қыркүйегі  аралығында. Бір ересек жолаушыға  бір баланы ғана өзімен апаруына рұқсат берілген.