Алматы. 10 шілде. 7kun.kz — Ағымдағы жылдың қорытындысында Airbus SA еуропалық әуе-ғарыштық концерні ұшақтарды жеткізу саны бойынша америкалық бәсекелесі Boeing СО. компаниясын басып озуы мүмкін.

Airbus жеткізілімі 2019 жылдың бірінші жартысында 28%-ға өсті, делінген концерн хабарламасында. Компания 2018 жылы 303 ұшақ, ал биыл 389 ұшақ жеткізді. Сондай-ақ, 2019 жылдың қорытындысы бойынша лайнерлердің рекордтық санын жеткізе алады.

Бұл ретте Boeing ағымдағы жылдың алғашқы алты айында жеткізуді 37%-ға - 239 ұшаққа дейін қысқартты, ал бір жыл бұрын бұл көрсеткіш 378 ұшақты құрады, деп хабарлайды компанияның баспасөз қызметі.

Өз кезегінде Boeing үшінші ай қатарынан компания табысының негізгі көзі болып табылатын 737 MAX ұшағының ешқайсысын саудаға қоймады. Реттегіштер наурыз айында екі әуе апатының салдарынан осы лайнерлердің коммерциялық рейстеріне тыйым салған.

Бұған дейін, Airbus Boeing 737 MAX тікелей бәсекелестері саналатын A320neo ұшақтарының өндірісін арттыру жоспарын жариялады. Сонымен қатар, Boeing басшылығы MAX пайдалануды жаңғыртуға бағытталған және осы мақсатқа қол жеткізгеннен кейін өндіріске қатысты жоспарлар туралы айтып береді.

Айта кетейік, Airbus акциялары сейсенбі күні сауда сессиясында 0,15%-ға өсті. Boeing қағаздары қосымша сауда барысында 0,14%-ға төмендеді.