Алматы. 27 желтоқсан. 7kun.kz - Алматы билігі мегаполис көшелеріндегі қозғалысты барынша азайтпақ. Осы үшін инвестиция тартылады деп хабарлайды қалалық әкімшіліктің баспасөз қызметінен.

"Алматы қалалық әкімдігі мен ЕҚДБ, Алматыны Дамыту орталығы мен IDOМ және Norton Rose консорциумының консультанттары жеңілрельсті транспорт (ЖРТ) желілерін салуға дайындықты бастау туралы келісті. Оның ұзындығы 22,9 шақырым болады",- делінген хабарламада.

"ЖРТ-ның енгізілуі басты көшелердегі қозғалыстың жеңілдеуіне әсер етеді. Күн сайын 25 мың автоға дейін азаяды. Осы арқылы ЖРТ "жасыл экономикаға" көшу жолындағы басты факторлардың бірі болмақ",-деп хабарлайды Алматы әкімдігі.