Қазақстандықтар 2008 жылдардан бастап лампалардың энергоүнемдейтін лампалардың қызығын көріп келеді. Қыздыру лампаларынан қарағанда электр энергиясын есептеу кезінде қалтаңызға артық салмақ түсірмейді, бірақ мерзімі біткенде қоқыс жәшігіне лақтыра алмайсыз. 7kun.kz  сайты алматылықтар үшін лампаларды қай жерге өткізу керектігін анықтауға тырысып көрді.

Классикалық шамдарды ауыстырған "жарық үнемдегіштердің" құрамында сынап болады. Токсинді заттар адам ағзасын енсе, жүйке жүйелері, бауыр, бүйрек, асқазан-ішек ауруларын туғызады. Ол қоршаған ортаға зиянын тигізбес үшін арнайы жерге барып өткізу қажет. Қайта пайдалануға лампаларды жинау үшін қойылған контейнерлер көп емес, көпшілігі қоқыс жәшігін пайдаланады. Дегенмен де, жатын аудандардағы ПИК-ке барып, өткізуге болады. Кәсіпорындардағы лампаларды жинау үшін екі мекеме жұмыс істейді: "Сынап плюс" ЖШС және "Алматыэкологқұрылыс". Негізінен олар мекемелермен жұмыс істейді. Алдын-ала бірнеше жылға  келісім -шарт жасайды. Әр лампа құны -70 теңге. Кәсіпорын қызметкерлерінің сөзінше, фирмалардан бөлек қала тұрғындары аз келеді.