Алматы әкімі Бауыржан Бәйбектің атынан Instagram әлеуметтік желісінде bauirzhan_baibek деген жалған аккаунт пайда болған деп хабарлайды Алматы әкімдігінің баспасөз қызметі.

Бұдан бөлек, желіде әкімнің әнші Қайрат Нұртасқа айтылған ізгі лебіздері, басшылықпен кездесуі және музыкалық сыйақы беру кезіндегі суреттер сияқты жазбалары жарияланған.

"Алматы әкімінің әлеуметтік желілерде ешбір аккаунты жоқ. Instagram желісіндегі bauirzhan_baibek парақшасы жалған" - деді Алматы әкімдігінің баспасөз қызметі.