Алматы. 4 желтоқсан. 7kun.kz - 4 желтоқсан күні сағат 04:43-те өртке қарсы қызмет пультіне Алматы облысы Іле ауданы Түймебаев ауылындағы "Ашыбұлақ" әмбебап құрылыс базарының аумағындағы өрт туралы хабарлама келіп түсті, деп хабарлайды Алматы ТЖД баспасөз қызметі.

Өрт сағат 07: 30-да оқшауланып, сағат 08: 38-де сөндірілді.

Жалпы, 1 400 шаршы метр алаңда құрылыс материалдары бар 43 контейнер өртенді.

Зардап шеккендер мен құрбан болғандар туралы мәлімет түскен жоқ. Жағдайды түсіну және өрттің шығу себептерін анықтау  үшін Талдықорған қаласының өрт зерттеу зертханасы жіберілді.