Алматы. 16 шілде. 7kun.kz — Жыл басынан бері Алматыда синтетикалық есірткі сататын 128 сайт бұғатталды. Бұл туралы полиция департаментінің баспасөз қызметі хабарлады.

Айта кетейік, 2019 жылдың алты айында 183 есірткіге қатысты бұзушылық, 76 есірткі сату фактісі анықталды.

"Заңсыз айналымнан 62 кг астам есірткі тәркіленді. Атап айтқанда, 669 гр - героин, 24 кг гашиш және 36 кг марихуана. Интернет желісіне мониторинг жүргізу және есірткі құралдарын тарату туралы ақпаратты қамтитын сайттарды анықтау бойынша жұмыстар үздіксіз жүргізілуде. Ағымдағы жылы осындай 138 сайт орнатылған, оның 128-і бұғатталған", - деді Алматы ПД Есірткі қылмысына қарсы күрес басқармасының бастығы полиция подполковнигі Талғат Беркінбаев.

Бұған дейін ведомствода Алматы полиция қызметкерлері Stoptraffic арнайы мобильді қосымшасы арқылы есірткі сатуға қатысты сигналдар қабылдайтынын хабарлады.