Алматының екі тұрғыны ломбард тонаған. Оның бірі - бизнесін осыдан бірнеше ай бұрын ғана сатып жіберген экс-қожайыны болып шықты. Бұл жөнінде қалалық ІІД баспасөз қызметі хабарлайды.
"Ломбард сағат бес жарымдарда тоналған. Медициналық маска киген белгісіз екеу еш кедергісіз ломбардқа еніп, оператор-кассирді тапаншаға ұқсас затпен қорқытып, сейф ішіндегі 204 мың теңгені және жалпы сомасы 3 миллион теңге болатын түрлі алтын бұйымдарды иемденген. Одан кейін тонаушылар қылмыс орнынан іздерін суытқан", – деп хабарлады Алматы ІІД қылмыстық полиция басқармасының басшысы Жанболат Зиадин.
Оның айтуынша, бірнеше сағат өткен соң тонаушылардың жеке бастары анықталып, келесі күні таңға жуық күдіктілер ұсталған.
Қазіргі таңда ұсталған екі азамат абақтыда. Екеуі де қылмыстарын мойындап, жеңіл жолмен ақша табуды көздегендерін растаған.
Похожие материалы
