Алматы. 10 қазан. 7kun.kz – Алматыда полиция подполковнигін белгісіз біреулер ауыр соққыға жыққан. Бұл туралы Алматы қалалық полиция департаментінің баспасөз қызметі хабарлады.

Оқиға 9 қазанда сағат түнгі 00.30 шамасында «Панорама» мейрамханасы жанында болған.

Мейрамхананың жанынан өтіп бара жатқан полиция подполковнигі Ринат Өтегеновті белгісіз біреулер соққыға жыққан. Ол ауыр дене жарақатымен 12 қалалық ауруханаға жеткізілді.

Аталған факт бойынша ҚР ҚК 293-бабы 2-бөлігі бойынша сотқа дейінгі тергеп-тексеру жұмыстары жүргізілуде.

«Осы қылмысты жасады деген күдікпен бес ер адам ұсталды. Полиция қызметкеріне жасалған шабуыл оның кәсіби қызметімен байланысты емес», – деді полицияда.